green

iuj in green, may 17, 2005

green na liwat it iuj. baga na hin pinas. ayos gud it Ginoo, gin-andam na ako pag-uli. kunbaga, transition na ha ak it pagchange han color han paligid. ha pinas man gud, pirme green ha bug-os nga tuig.

presko it green nga color. pero ha iba, bastos daw ini nga color. ambot kon kay ano. pakiana ko la, kay ano nga green man it grass?

pero balitaw, di na gud la maiha, mauli na ako. excited gad kay back to where i belong naman liwat ako. mahusay gad udog it pinas, it sistema la, masumo. bisan ha ofis ko, waray naman la kadigni-dignidad, bagan di kami mga professional. puros la tsismis, pandaot hit igkasi ngan kon ano ano pa nga mga hungkag nga istorya. yana kono adto na hira ha garahian na-ofis kay nasunog man gud it amon opisina last december. waray daw pundo pagconstruct hit bag-o nga building. rason ba ito para magin garahian na it am workplace? salit, it am output, kon may output man, baga liwat tambutso it quality. kon magrent la anay hin workplace? di daw pwede kay bangin igreclaim han leyte province an area. maiha naman gud ito nga gincontest han provincial government an ownership. bati ko, ginbabawi han leyte province an lugar. dire liwat nasugot it ak ofis kay maiha na daw hira dida. baga hira mga bata nga nag aaway hit usa nga candy. kunbaga, naimagine ko, kon yana nga aga magrelocate ak ofis, pagkagab-i, sekretohon dayon nga kuhaon han leyte province an lugar. hahaha mas maupay pa an kinder ha alpha-omega learning center kay maaram mag istorya hin tuhay parti hit ira mga balon. kon nag aagaw-agaway man hira hit ira balon, at least maintindihan kay mga bata hira. hay buhay.

sige la, damoon ko nala pagpicture hit lugar didi ha japan. kon masumo man ako ha pinas, kitaon ko nala ini nga mga pictures. ngan ipaawa hit ak mga kaopisina. kitaon ta la kon dire hira mag-green with envy.