college days memoriam 1

here's a poem written by syrob ollibucsap 10 years ago, college days. the pix was taken in balyuan tower, tacloban, december 2004.

baluto ni mano pitoy
(ni syrob ollibucsap)

"ha osmena inmabot an baluto ni mano pitoy, mahimyang ngan protektado."

gintatawag ako nira nga baluto
maaram ka ba kon kay ano?
guti-ay manta pero gingagamit niyo
ha usa nga lugar kamo tikadto.

ha kamot ni mano pitoy ako nahimo
hiya nalipay ngan naglurolukso-lukso
ha layon iginbutang niya ako
ha dagat nga halu-ag hinduro.

sumala hain yana ako?
ha dagat may sakay nga tawo;
an tawo ginbubuligan ko
pagkadto, lugar nga waray perwisyo.

ha dagat usahay may nahihinabo
nagbibinalbag balud nga dako;
pero hi pitoy nga akon mano
nagkakapot ha akon, proteksyon sigurado.

sumala ngani hain yana ako?
man gad aada ha dagat, oo.
pero sumala kan kanay ako?
kan mano pitoy, buotan nga tawo.